3 mánuðir eftir af árinu

Ýmsar takmarkanir munu brátt hverfa. Hægt er að fara sína leið án þess að spilla
neinu fyrir öðrum. Lokahnykkur ársins getur verið eins og að fara í lokapróf.

Undanfarið hefur orðið mikil aukning í kynskiptingum og kynleiðréttingum.

Við förum í auknum mæli eigin leiðir þrátt fyrir ýmsar mótstöður sem upp koma.
Litið er öðruvísi á hlutina. Breytingar á kerfinu og almennri hugsun eiga sér stað
smátt og smátt þar til að allt hefur verið endurnýjað. Vendipunkurinn nálgast.

Hvernig myndir þú vera ef þú mættir vera hvernig sem þú vildir vera núna?

Sýndarveruleikar eru að verða raunverulegri og raunverulegri. Eins og er þarf að
draga upp sérstök forrit oft til að vita hvort að mynd sé raunveruleg eður ei.
Það raunverulegar eru þessar tæknibrellur að verða. En hvað er raunveruleiki?























Hægt er að fara mjög djúpt í þetta. Sumir halda því fram að þetta sé allt blekking
eins og í Matrix myndunum. Aðrir segja að lífið sé í raun bara annar draumur.
En ég segi hvorugt. Fyrir mér eru allir draumar eigin raunveruleikar ,en bara mis
raunverulegir. Allir hugsanlegir og óhugsanlegir raunveruleikar eru til hér og nú.

Við höfum val til að velja en gerum það oft ómeðvitað.  Breytingar taka oft tíma
á meðan yfirgengilegar takmarkanir eru í gangi. Samt geta þær líka sprungið út
á örskotstundu undan miklum þrýstingi. Ekki búast við of miklu. Engar ályktanir.
Engin loforð. Bara fylgjast vel með og taka undir þar sem við á. Engin átök þörf.

Mikið hefur átt sér stað á árinu og á margt af því eftir að koma betur fram síðar.












































Umhverfis heiminn á áttatíu dögum er sambærileg líking við það sem er eftir
þar til að aðdráttarmið 21. Desember 2012 er náð. Rétt rúmlega 80 dagar eftir.

Slíkar breytingar eiga eftir að verða á næstu fáum árum að flestir myndu ekki
trúa því nú hve mikið þetta á allt eftir að breytast. Ef við lítum á hvað hefur
breyst á síðustu 100 árum er það aðallega rafvæðingin sem hafði mest áhrif.
Hægt er að taka þetta mun lengra í þá áttina en einnig mun nú koma til mikil
hugarfarsbreyting. Í stað þess að flytja í stærri bæi og borgir eins og fyrir 100
árum eða svo mun fólk nú frekar flytjast úr þeim þar sem að internet og ýmis
annar búnaður mun gera það mun auðveldara að búa í dreifbýli. Samt mun
fólk eiga það auðveldara með að hittast og munu persónulegar samræður því
frekar eiga sér stað hjá flestum. Ríkisstjórnin mun mjög líklegast breytast einnig
til batnaðar og segja mun minna til fyrir verkum ,heldur ræða meira við aðra
hópa um hvaða fagmenn henti best til að koma hlutunum í verk og þess háttar.
Róbótar eiga eftir að leysa fólk mikið af við ýmisskonar "leiðindastörf" þar sem
að tækninni fleygir fram. Nokkrar nýstárlegar byltingar munu einnig koma fram.

Róbótar geta nú þegar hlaupið uppi hunda eða gripið fallbyssukúlur sem hefur
verið skotið úr meira en 100 metra fjarlægð. Litblindir geta heyrt í litum með
ákveðnum búnaði og hreyfiskynjarar eru notaðir í staðinn fyrir tölvumýs eða
aðrar fjarstýringar. En allt þetta er háð rafmagni og rafmagnið má rjúfa ,
nema það sé sérstaklega varið og gangi fyrir ótakmörkuðu raforkuflæði.

Það á eftir að verja heilmikið af búnaði betur en það hefur oft ekki verið gert
vegna sparsemi. Orkuauðlindir eru allstaðar. Heimurinn er gerður úr orku.
Orku getur ei verið eytt né hún sköpuð segja eðlisfræðingar. Henni er náð fram
með ýmsum leiðum. Þá er bara spurning um að finna bestu leiðirnar.

Framþróun orkugjafa

 

 

 

 

 

 

 

 

 

 

 

Nýlega hafa birst tæki sem eru langt um þróaðari heldur en hin hefðbundnu
sem hingað til hafa verið í notkun fyrir almenning. Energy-Catalyzer er eitt af
þessum nýju tækjum. E-Cat framleiðir með ákveðnu samrunaferli mun meiri
orku heldur en sett var inn til að byrja með ,miðað við eldri aðferðir.

Kjarnasamruni á sér í raun ekki stað ,heldur býr tækið til keðjuverkandi áhrif
sem skila af sér mjög miklu hitamagni sem síðan er breytt yfir í rafmagn.

Tækið heldur vel hitanum og þrýstingnum. Einungis þarf innan við gramm af
nikkel og svipað mikið af vetni til að hefja ferlið sem síðan skilar allt að því
120 kílóvöttum fyrir innan við 100 vött sem sett eru inn til að byrja með.

Hægt er að hafa það með sér og nota í farartækjum eða jafnvel utandyra.

Þó að það geti verið dýrt til að byrja með mun verðið á endanum fara niður
og tæknin mun einnig þróast meira til að gera nýtni meiri og tækið smærra.

 
Gnægð vatns fyrir alla ætti að vera almenn mannréttindi. Hér er ein lausn ;

 

 

 

 

 

 

 

 

 

 

Vatnsöflun úr andrúmslofti hefur í raun verið til staðar mun lengur en flestir
gera sér grein fyrir í fyrstu ,en nú mun vera auðveldara að safna vatni úr lofti
með rafmagni þó ekki sé neitt hitamistur eða rigning neinstaðar í sjónmáli.

Ecoloblue hefur hannað mjög notenda vinveitt viðmót fyrir þennan búnað.

 
Smærri og fljótari hlutaprentarar hafa nú verið hannaðir sem tengjast með
usb og eru mun auðveldari í notkun og samsetningu. Þeir eru líka ódýrari.

 

 

 

 

 

 

 

 

 

 

 

 

 

 

 

 

 

 

Ég hef áður minnst á Reprap hlutaprentara. Þeir eru hluti af verkefni sem er
algjörlega frítt og opið (Þó að það sé hægt að selja hluti og efni í prentarana)
fyrir þeim sem hafa áhuga. Þetta býður upp á mikla möguleika fyrir hönnun
og sjálfbærni. Hægt verður að endurnýta gamalt efni til að gera nýja hluti
með prentaranum og prenta út parta sem nýtast í að gera fleiri hlutaprentara.
Heilmikið af myndefni er af þessum prenturum á youtube. Það er líka til wiki.

Nýjar tæknir - Atlantis áhrif

Þróunin sem á sér stað um þessar mundir hefur nú náð þeirri hröðun að
aldrei áður í þeirri rúmlega 5000 ára sögu sem þekkist flestum á jörðinni
hefur tæknin tekið slík stökk sem ég mun hér greina frá og munu þessar
framþróanir hafa víðamiklar breytingar í för með sér sem ekki sér enn fyrir
endann á. Gríðarlega miklir möguleikar opnast með þessum tækninýjungum.

Til eru nú flögur með 1000 örgjörvum á og hefur tekist að sýna fram á nýtni
þeirra. Borðtölvur framtíðarinnar verða því sannkallaðar ofurtölvur.



















Sagan nær samt aftur mun lengra en 5000 ár ,en lítið hefur verið skráð sem
staðfest getur verið um það sem gerðist fyrir þann tíma. Við vitum samt að
Atlantis var eitt sinn heimsveldi sem eyddist fyrir rúmlega 10-12.000 árum.

Þetta samfélag var mun þróaðara en það sem við búum við í dag og eiga
margir erfitt með að trúa því. Atlantisbúar bjuggu yfir þekkingu á vísindum
sem gerðu þeim kleift að búa til fljúgandi furðuhluti sem kölluðust Vailixi.

Með vailixum gátu þeir kannað loftin ,höfin og jafnvel útgeiminn en þeir
voru ekki þeir einu því að í Asíu voru einnig fljúgandi furðuhlutir sem hétu
Vimana og háðu þessar tvær gerðir farartækja oft orustur sín á milli.

Atlantisbúar byggðu úr risastórum steinum og var Atlantisborg arkítektar
undur með allskyns skúlptúrum og málmblöndum sem vörðu borgina.
Ýmsar kynjaverur litu þar dagsins ljós sem oft voru blendingar annara dýra.

Jafnframt bjuggu þeir yfir viskusteininum sem gaf þeim óendalega orku
og ótrúlega möguleika sem hafa lítið sem ekkert sést í okkar skráðri sögu.




























Við erum að sjá svipuð áhrif í dag þar sem tilraunir eru í gangi með DNA
samsetningar til að skoða hvernig það allt virkar. Tildæmis hafa nú verið
gerðar kjarnsýrur úr gerviefnum sem kallast XNA. En frá 2009 hafa tilraunir
með erfðabreyttar lífverur einnig verið mjög áberandi. Óvíst er hver áhrifin
eru til langs tíma með erfðabreytt og eiga vísindamenn enn eftir að ráða
fram úr strengjum DNA kjarnsýra sem þeir kalla "Junk DNA".


















Annað sem er að koma sterkt fram eru gerfivöðvar ,augu og skynjarar sem
geta gert mönnum kleift að öðlast áður tapaða eiginleika á ný.

Kolefnistúpur eru rosalega sterkar ,en samt svakalega léttar. Kolefni er
meðal annars að finna í blýöntum og demöntum. Nú hafa vöðvar verið
þróaðir úr þessum efnum sem eru sterkari en allir áður þekktir vöðvar.















En svo er önnur átt sem þessi stefna virðist vera að taka. Vélverur gætu
sprottið upp úr þessari þróun og markað upphaf annarskonar lífs á jörðinni.

Ímyndaðu þér nú ef þú ættir smá dreka fyrir gæludýr. Drekinn gæti farið
á staði sem þú kæmist ekki og étið drasl sem þú værir ekki lengur að nota ,
en skilað í staðinn nytsamlegum hlutum af sér. Þar af leiðandi myndu allir
ruslahaugar hverfa. Hann gæti flogið og spúið eldi en samt svarað skipunum
í gegnum síma eða tölvu til dæmis. Möguleikarnir eru óendanlegir.

Nú er ár drekans samkvæmt asísku tímatali. Drekar eru sagðir gæta gátta
fjársjóða sem gætu jafnt verið mikilvægar upplýsingar sem og eðalefni.
Atlantisbúar lifðu kanski með drekum og þaðan gætu margar goðsagnir
verið sprottnar. Tilraunir þeirra gætu hafa skapað nokkra slíka ,hver veit?

Það er því vel við hæfi að enda á þessa færslu með mynd af flottum dreka.

Tímasveiflur og samsvaranir

Það er kominn tími til þess að varpa ljósi á tímasveiflurnar. Ég hef áður gert
grein fyrir þeim upp að vissu marki en líta má á þær eins og veðurspár því að
sveiflur þessar bera með sér ákveðin áhrif ,hæðir og lægðir rétt eins og sést
í veðurspám. Til eru margar gerðir af þessum sveiflum en sú tegund sem ég
geri helst grein fyrir hér mun vera Timewave Zero (Tímasveifla núll) því að
það mun vera sú sveifla sem kemur okkur mest við á þessu ári þar sem hún
endar á þeim þekkta degi tuttugasta og fyrsta desember á þessu ári.

Til eru aðrar sveiflur af svipuðum toga sem halda áfram eftir þennan dag ,
en aðdráttarmið þessarar sveiflu er sem fyrr segir 21. Desember 2012.

Nú ætla ég að gera betur grein fyrir því hvað upphæðir og lægðir þessarar
sveiflu þýða. Það er ákveðin uppbygging í sveiflunni og er hún upphaflega
reiknuð út frá samræmdum dagatölum maya og kínverja frá því fyrir fleiri
þúsund árum. Þessi dagatöl hafa verið óvenju nákvæm að því er mörgum
vísindamönnum þykir. En þau eru til komin af því að fylgst var með flæði
og áhrifum í tímans rás yfir fleiri þúsund ára tímabil og áhrifin skrifuð niður
þar til að menn fóru að sjá endurtekningar svo þeir gátu spáð fyrir um hvers
kyns áhrif myndu brátt eiga sér stað. 32 andstæður fundu þeir ,sem þýðir
64 áhrif allt í allt. Fyrir þá sem hafa meiri áhuga á þeim má leita að "I-Ching"
sem er dagatal kínverja sem stuðst var við. Það er heilmikið við þetta en
ég hef fylgst með þessari sveiflu síðan að hrunið varð 2008. Hér kemur aðal
punkturinn og útskýring mín á því hvernig þetta virkar ; þegar sveiflan er á
niðurleið á sér stað vitundarvakning ,en þegar hún er á uppleið mun vera
ákveðin uppsöfnun í gangi sem líta má á sem undirbúning.

Stóra dýfan í græna svæðinu er samsvörun við hrunið 2008 og er hægt að
finna margar samsvaranir í þessu grafi því að sveiflan er samtíðnilegt örbrot.
Grænbláa svæðið samsvarar 2009 ,bleika 2010 ,gula 2011 og rauða 2012.




















Þessi mynd sýnir alla sveifluna eins og hún leggur sig en samsvarirnar eru
eins og í örbrotum og má því finna svipuð mynstur ef þysjað er inn.

Ákveðin mynstur geta einnig borið með sér sérstök áhrif sem hafa komið
við sögu áður. Til dæmis má nefna það að 2011 og 2012 líta mjög svipuð út
á sveiflunni og má því segja að ákveðin áhrifa samsvörun sé á milli þeirra.
Samsvaranir við þessar tvær má einnig finna árið 2000 og í kringum 1945.

Það gefur okkur ákveðnar hugmyndir um hverskonar áhrif þetta eru en
þar sem að 2012 er síðasta ár sveiflunnar koma fyrir áhrif frá öllum öðrum
tímum aftur og aftur með hærri tíðni þar til að "allt er að gerast" í lokin.

Sveiflan heldur í rauninni áfram eftir lokapunkt grafsins en grafið getur
ekki lengur birt okkur mynd af henni eftir það og mun orsökin líklegast
vera sú að hún sé þá ekki lengur línuleg ,heldur af hærra víddarstigi.

Eins og sést af upphaflegu myndinni mun geta átt sér stað heilmikil
vitundarvakning í byrjun aprílmánaðar sem leiðir til öfgakenndari áhrifa.
Lok mars á síðasta ári var undir svipuðum áhrifum. Mars á síðasta ári
var viðburðaríkur mánuður og Fukushima verið í Japan vakti mikil vibrögð.
Einnig komst ég að raun um ýmislegt sem setti ákveðinn svip á restina
af árinu. Sveiflan virkar fyrir áhrif á míkróskala og makróskala en líkt og
með óveður ráðum við hvort við förum út í það vel klædd eður ei.

Örbrotanir og Gullin hlutföll

Hér er eitt ákaflega mikilvægt hugtak sem nýtt er fyrir flestum en kemur
okkur öllum mikið við þó að við séum ekkert alltaf að spá í svona hluti.

Þekkt náttúrulögmál er að ákveðin mynstur og kerfi endurtaka sig
endalaust í náttúrunni ,en færri þekkja hugtakið Örbrot (Fractal) sem
á við um heildstæð sjálfs-endurkvæmnitakmörk sjálflíkra forma.

Í öðrum orðum er átt við heild sem lítur út eins og ákveðið form ,örbrot ,
sem endurspeglar sig innávið í smærri formum endalaust en líka á þann
hátt að formin tengjast í röð og reglu í samræmi við upprunalega formið.

Hver komst fyrst að þessu? http://visindavefur.hi.is/svar.php?id=16580

Endalaust er hægt að kafa dýpra í Örbrot ,því í eðli sínu eru þau endalaus.
Gott dæmi um þetta er þessi þysjun í Mandelbrot örbrotið ;
http://www.youtube.com/watch?v=0jGaio87u3A

Náttúran hefur fleiri flóknar stærðfræðilegar uppbyggingar og snið sem
vert er að skoða betur og má þar nefna Fibonacci númeraraðirnar auk
hins Gullna meðal hlutfalls (Golden mean ratio) sem sést í einhverri
mynd í flestum þeim fyrirbrigðum sem koma vel fyrir útlitslega séð.

Gullna hlutfallið tekur á sig ýmsar myndir ,meðal annars gullnu vefjuna
og gullna rétthyrninginn en hlutfallið sjálft er svo reiknað á þann veg að
A er fyrir B það sama og B er fyrir C. Þetta er mikilvægt hlutfall þar sem
að DNA (DeoxyriboNucleic Acid) strengir nota það og allar lífverur jarðar
hafa því þetta hlutfall í sér. Stærð skiptir minna máli en hlutföll.

 

 

 

 

 

 

 
Það eru fimm form sem hafa mjög sérstæð hlutföll og voru því látin tákna
efnaeiginleikana eld ,jörð ,loft ,vatn og æðer (eða eter) en þessi form
hafa allar hliðar jafnar og einungis eins hliðar sem mynda þau.

Það eru einungis fimm form sem hafa þessa eiginleika og hér eru þau
útskýrð nánar ; http://www.youtube.com/watch?v=voUVDAgFtho
Meira hér á íslensku ; http://vefir.mh.is/thoreir/saga/platon.htm

Allir þessir þættir eru mikilvægir í því að skilja það sem á eftir kemur ,
þar sem ýmis nýyrði og nýjar greinar eru að myndast sem annars væru
heldur torskildar án þessa skilnings sem hér er hægt að ná fram.